"Dövlət büdcəsinin müzakirəsi zamanı bu məsələni qaldırmalıyıq ki, bələdiyyələrin borcları silinsin və onlar bu fəaliyyətə sıfırdan başlasınlar. Orada böyük bir vəsait yoxdur".

Adalet.az xəbər verir ki, bunu Milli Məclisin Regional məsələlər komitəsinin bu gün keçirilən iclasında komitə sədri Siyavuş Novruzov deyib.

O bildirib ki, bu, nəzərə alına bilər və bunu həll etmək olar: "Digər məsələ struktur məsələsidir. Bələdiyyələrdə üst qurum yoxdur. Ona görə də bu səlahiyyətlər artıq Milli Məclisə verilib. Ona görə gərək onların nümunəvi ştat cədvəlini hazırlayaq, qanun tətbiq edək və verək. Çünki hər bələdiyyənin ixtiyarına buraxsan, hərə özünə uyğun bir ştat cədvəli quracaq".