Belarusla iqtisadi əməkdaşlıq genişləndirilir
Belarusda Azərbaycan Ticarət Evinin rəsmi açılışı çərçivəsində İqtisadiyyat naziri Şahin Mustafayevin rəhbərlik etdiyi Azərbaycan nümayəndə heyəti ilə Minskdə Belarus Nazirlər Şurası sədrinin müavini Vladimir Semaşko ilə görüşüb.
İqtisadiyyat Nazirliyindən Adalet.az-a verilən məlumata görə, nazir Şahin Mustafayev Azərbaycan və Belarus arasında əməkdaşlığın uğurla inkişaf etdiyi, ölkələrimiz arasında əlaqələrin qarşılıqlı dostluq və tərəfdaşlıq prinsipləri üzərində qurulduğunu vurğulayıb, əməkdaşlığın genişləndirilməsində dövlət başçılarının rəsmi səfərlərinin, keçirilən görüşlərin xüsusi rolunu diqqətə çatdırıb.
Görüşdə Azərbaycanda həyata keçirilən iqtisadi islahatlar, biznes və investisiya mühitinin daha da yaxşılaşdırılması sahəsində görülən işlər, həyata keçirilən iqtisadi islahatlar, xarici şirkətlərin, o cümlədən Belarus iş adamlarının ölkəmizdə səmərəli fəaliyyəti üçün yaradılmış əlverişli şərait barədə məlumat verilib.
Qeyd edilib ki, ölkələrimiz arasında 30-dan çoxu iqtisadi sahədə olmaqla, ümumilikdə 100-dən artıq sənəd imzalanıb. Azərbaycanda Belarus kapitallı 30, Belarusda isə Azərbaycan sərmayəli 60 şirkət fəaliyyət göstərir. Bildirilib ki, Bakıda Belarus istehsalı olan ərzaq məhsullarının 4 satış mağazası fəaliyyət göstərir, həmçinin Gəncə Avtomobil Zavodu kənd təsərrüfatı texnikasının istehsalı sahəsində Belarus müəssisələri ilə sıx əməkdaşlıq edir.
Bununla belə, İKT, turizm, ticarət əlaqələrinin genişləndirilməsi, əczaçılıq və kənd təsərrüfatı sahələrində birgə müəssisələrin yaradılması, Belarus şirkətlərinin Azərbaycanda yaradılmış sənaye zonalarında və aqroparklarda iştirakı, maşınqayırma sahəsində əməkdaşlıq üçün geniş imkanlar mövcuddur.
İqtisadiyyat naziri Belarusda Azərbaycan Ticarət Evinin açılmasımnın ticarət-iqtisadi əlaqələrin genişləndirilməsində əhəmiyyətini diqqətə çatdırıb.
Belarus Nazirlər Şurası Sədrinin müavini Vladimir Semaşko Azərbaycanla iqtisadi əməkdaşlığın inkişafı üçün böyük potensialın olduğunu, Belarus və Azərbaycan prezidentlərinin tapşırıqlarına uyğun olaraq hazırda istehsal sahəsində əməkdaşlığın miqyasının genişləndirilməsi üzrə tədbirlərin həyata keçirildiyini, qarşılıqlı investisiya layihələrinin sayının artdığını vurğulayıb, Azərbaycan Ticarət Evinin əməkdaşlığın inkişafında rolunu qeyd edib.
Görüşdə Azərbaycan-Belarus ticarət-iqtisadi əlaqələrinin daha da genişlındirilməsi, ixracın artırılması, Belarusa ixrac olunan spirtli içkilər üçün lisenziya tələbində güzəşt edilməsi, Azərbaycan investisiyalı logistika mərkəzinin ərazisində gömrük məntəqəsinin yaradılması və s. məsələlər müzakirə edilib.
Digər Xəbərlər
29 Aprel 2024 10:53
"Bu, satınalmalarla bağlı yeni qaydaların tətbiqilə bağlıdır" - Deputat
29 Aprel 2024 10:24Bu il Kəlbəcərdə daha 4 SES istismara veriləcək - VİDEO
29 Aprel 2024 09:52Bu günə olan valyuta məzənnələri
28 Aprel 2024 13:12Mikayıl Cabbarov şirkət prezidenti ilə birgə fəaliyyət imkanlarını müzakirə etdi
26 Aprel 2024 15:51