Bakıda 45 yaşlı kişi küçədə öldürüldü

Bakıda 45 yaşlı kişi küçədə qətlə yetirilib.
Nərimanov rayon prokurorluğundan Adalet.az-a verilən məlumata görə, yanvarın 17-i saat 01 radələrində paytaxtın Nərimanov rayonu, Əliyar Əliyev küçəsində 1977-ci il təvəllüdlü İsa Əbdüləzimova xəsarətlər yetirilməsi və aldığı xəsarətlərdən xəstəxanaya aparılarkən yolda ölməsi barədə rayon prokurorluğuna məlumat daxil olub.
Aparılmış araşdırmalarla zərərçəkmişlərin tanışı 1974-cü il təvəllüdlü Şəmşad Əhmədovun şəxsi münasibətlər zəmnində aralarında yaranmış mübahisə zamanı bıçaqla İsa Əbdüləzimova xəsarətlər yetirməsinə əsaslı şübhələr müəyyən edilib.
Faktla bağlı Nərimanov rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Şəmşad Əhmədov şübhəli şəxs qismində tutularaq istintaqa cəlb edilib.
Hazırda iş üzrə zəruri istintaq tədbirləri davam etdirilir.
Digər Xəbərlər

Körpə qızı ilə yatarkən qardaşı tərəfindən qətlə yetirildi - Bakıda dəhşətli cinayət

DİN BNMİ 17 kq marixuana aşkarladı - Əməliyyat görüntüləri

Novxanı və Görədildəki bağ evlərindən oğurluq etdilər - VİDEO
