adalet.az header logo
  • Bakı 9°C
  • USD 1.7
10 Fevral 2023 16:39
3885
LAYİHƏ

Bakı Xoreoqrafiya Akademiyasında narkomaniyaya qarşı maarifləndirici tədbir keçirilib

Fevralın 10-da Nəsimi Rayon Polis İdarəsinin (NRPİ) təşkilatçılığı ilə Bakı Xoreoqrafiya Akademiyasında (BXA) “Narkomaniyaya yox deyək”, “Erkən nikah və onun fəsadları” və “Uşaqlar və yol hərəkəti təhlükəsizliyi” mövzularında maarifləndirici tədbir keçirilib. 

Tədbirdə BXA-nın tam orta təhsil pilləsinin müəllim-şagird heyəti, akademiyanın İncəsənət fakültəsinin, eləcə də, orta ixtisas təhsili pilləsinin müəllimləri, NRPİ-nin rəisi, polis polkovniki Mirnemət Mirbabayev və NRPİ-nin əməkdaşları iştirak ediblər. 

Tədbirdə narkomaniyanın törətdiyi faciələr, cəmiyyətə vurduğu zərər barədə ətraflı  məlumat verilib. Narkotik vasitələr ilə mübarizə sahəsində Azərbaycanda aparılan işlər barədə söhbət açılıb, polis əməkdaşları tərəfindən görülən məqsədyönlü tədbirlər, onların nəticələri vurğulanıb.

Eyni zamanda, DİN-in əməkdaşları tərəfindən yol hərəkəti qaydalarına düzgün riayət olunması haqqında tövsiyələr,  erkən nikaha daxil olmanın  cəmiyyətdə yaratdığı fəsadlar barədə söhbət aparılıb.  

Sonda NRPİ-nin əməkdaşları tərəfindən tədbir iştirakçılarını maraqlandıran suallar cavablandırılıb.