ABŞ Prezidenti Donald Tramp Sülh Şurasının sədri olaraq şuranın qətnaməsini imzalayıb.

Adalet.az-ın məlumatına görə, Sülh Şurasının üzvləri şuranın fəaliyyətini təmin edəcək maliyyə bütövlüyü və şəffaflıq prinsiplərini müəyyənləşdirən qətnaməyə səs veriblər. Qətnamə yekdilliklə qəbul edilib.

Daha sonra liderlər ianə toplama öhdəliklərinə imza atan Donald Trampa qoşulublar.

***19:26

Azərbaycan və bir neçə ölkə Sülh Şurasının büdcəsinə birlikdə 7 milyard dollardan çox vəsait ayırıb. 

Adalet.az xəbər verir ki, bunu Şuranın iclasında ABŞ prezidenti Donald Tramp  deyib.

"Bu gün Qazaxıstan, Azərbaycan, BƏƏ, Mərakeş, Bəhreyn, Qətər, Səudiyyə Ərəbistanı, Özbəkistan və Küveytin yardım paketinə 7 milyard dollardan çox vəsait ayırdığını elan etməkdən məmnunam. Bu, fantastikdir. Təşəkkür edirəm", - deyə Tramp bildirib.