Azərbaycan Universitetində ümummilli lider Heydər Əliyevin anım gününə həsr olunmuş tədbir keçirilib
Azərbaycan Universitetində ümummilli lider Heydər Əliyevin anım gününə həsr olunmuş tədbir keçirilib. Tədbirdən əvvəl universitet kollektivi Fəxri Xiyabanda olub, Heydər Əliyevin məzarını ziyarət edib. Ümummilli liderin məzarı önünə gül dəstələri qoyulub, xatirəsi ehtiramla yad olunub.
Universitetin tədris binasında keçirilən anım tədbirində ümummilli lider Heydər Əliyevin Azərbaycan dövləti və xalqı qarşısında misilsiz tarixi xidmətlərinə nəzər salınıb. Həmçinin ümummilli liderin Azərbaycanın müstəqilliyini möhkəmləndirən strateji qərarları, milli inkişaf yolunu müəyyənləşdirən tarixi irsi, Azərbaycan elmi və təhsilinin inkişafına qayğısı diqqət mərkəzində olub.
Tədbir Azərbaycan Universitetinin elmi işlər üzrə prorektoru Yusif Qasımovun açılış nitqi ilə başlayıb. Prorektor qeyd edib ki, Heydər Əliyev Azərbaycan dövlətçiliyi tarixinə silinməz izlər qoyub, böyük dövlət xadimi, strateq və vətənpərvər kimi ölkənin taleyində həlledici rol oynayıb. Azərbaycanın son 30 illik tarixinin hər səhifəsində onun imzası aydın görünür. Ümummilli liderin 1990-cı illərin ortalarından etibarən kərpic-kərpic qurduğu inkişaf strategiyasının real nəticələri artıq özünü göstərir. Məhz həmin strateji kurs sayəsində Azərbaycan xalqı öz ərazi bütövlüyünü bərpa edib, tam suverenliyini təmin edib və bu gün müstəqil dövləti, bayrağı və himni ilə qürur duyur.
Açılış nitqinin ardından AMEA-nın A.A.Bakıxanov adına Tarix və Etnologiya İnstitutunun “Əliyevşünaslıq” şöbəsinin müdiri, tarix elmləri doktoru Ədalət Qasımovun “Ulu öndər Heydər Əliyev və elmin inkişafı” və Azərbaycan Universitetinin Siyasi və ictimai elmlər kafedrasının professoru Qabil Əliyevin “Ulu öndər Heydər Əliyevin Azərbaycan dövlətçiliyini möhkəmləndirmək tədbirləri” mövzusunda məruzələri dinlənilib. Məruzələrdə Heydər Əliyevin Azərbaycan dövlətçiliyinin möhkəmləndirilməsi, müstəqilliyin dayanıqlı əsaslarının formalaşdırılması, elm və təhsil sahəsində apardığı islahatlara müxtəlif aspektlərdən əhatəli şəkildə nəzər salınıb, ümummilli liderin elmi potensialın gücləndirilməsi, elmi müəssisələrin modernləşdirilməsi və alimlərin fəaliyyətinə göstərdiyi yüksək diqqət xüsusi vurğulanıb.
Biznes və iqtisadiyyat fakültəsinin təşkilatçılığı ilə keçirilən anım tədbiri fakültənin tələbələri Aytən Aslanova və Nəzrin Məmmədzadənin “Ulu öndər Heydər Əliyevin iqtisadi islahatları” mövzusunda təqdimatları ilə yekunlaşıb.
Digər Xəbərlər
13 Noyabr 2026 13:31
LDU tələbələrindən paytaxtın uşaq evlərinə növbəti sitrus sovqatı
13 Noyabr 2026 09:15
Tələbələrin İsfəndiyar Axundovla görüşünü AzMİU təşkil etməyib - AÇIQLAMA
12 Noyabr 2026 18:01
Azərbaycan Universitetində Xaqani Şirvaninin 900 illik yubileyi qeyd olunub
10 Noyabr 2026 11:53
5 günlük tətil başlayır - TARİXLƏR AÇIQLANDI
09 Noyabr 2026 21:00
Türkiyə və Azərbaycan müdafiə sənayesi üzrə birgə doktorantura proqramları yaradacaq
09 Noyabr 2026 16:01
Təhsil işçiləri üçün “Zəfər düşərgəsi” keçirilib - FOTOLAR
08 Noyabr 2026 15:39
İşğaldan azad edilmiş ərazilərdəki müəssisələrdə neçə şagird təhsil alır?
07 Noyabr 2026 14:12


Bakı -°C

