Azərbaycan, Türkiyə və Gürcüstün xüsusi təyinatlılarının birgə təlimi keçiriləcək

Bu ilin oktyabr ayında Azərbaycan, Türkiyə və Gürcüstün xüsusi təyinatlı bölmələrinin birgə təlimi keçiriləcək.
Bu barədə Adalet.az-a Müdafiə Nazirliyindən məlumat verilib.
Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevlə Gürcüstan Müdafiə Qüvvələrinin komandanı general-mayor Giorgi Matiaşvili arasında sentyabrın 28-də Tbilisidə keçirilən görüşdə təlimlərə hazırlıq məsələləri müzakirə olunub.
Görüşdə Azərbaycan, Türkiyə və Gürcüstan hərbçilərinin iştirakı ilə cari ilin oktyabr ayında keçiriləcək “Qafqaz Qartalı-2022” xüsusi təyinatlı bölmələrin birgə təliminə hazırlıq, həmçinin gələn il ərzində keçirilməsi nəzərdə tutulan “Eternity-2023” kompüter dəstəkli komanda-qərargah təlimi və “Qafqaz Qartalı-2023” birgə təliminin yüksək səviyyədə təşkili barədə müzakirələr aparılıb. Bildirilib ki, birgə hərbi təlimlər ordularımız arasında qarşılıqlı uzlaşma və döyüş hazırlığı səviyyəsinin artırılması, habelə təcrübə mübadiləsinin aparılmasına geniş imkanlar yaradır.
Digər Xəbərlər

Ağdamda Qırğızıstanın tikdiyi “Aykol Manas” məktəbinin açılışı olacaq

Azərbaycan və Özbəkistan prezidentləri “Sea Breeze”də olublar - FOTOLAR

Bakı Şəhər İcra Hakimiyyətində müşavirə - Qəzalı binalarla bağlı Komissiya yaradıldı

Səfərovların Bakıda yas mərasimi keçiriləcək

Vilayət Eyvazov jurnalistlərə təşəkkür etdi

Polis Akademiyasında təntənəli buraxılış mərasimi keçirildi - VİDEO+FOTOLAR

Biz o polisi sevirik ki... - Zaur Əhməd yazır
