“Azərbaycan qazının Bolqarıstana nəqlində maraqlıyıq”
Bolqarıstan energetika nazirinin müavini Jeçko Stankovun başçılıq etdiyi nümayəndə heyəti Azərbaycanın Energetika Nazirliyində olub.
Nazirlikdən verilən məlumata görə, Azərbaycan energetika nazirinin müavinləri Gülməmməd Cavadov və Natiq Abbasovun iştirakı ilə keçirilən görüşdə iki ölkə arasında enerji əməkdaşlığının inkişaf istiqamətləri müzakirə edilib. Bildirilib ki, Azərbaycan və Bolqarıstan arasında dostluq münasibətlərinə əsaslanan əməkdaşlıq əlaqələrində enerji amili prioritet kəsb edir.
Bolqarıstanın Cənub Qaz Dəhlizinə qoşulması istiqamətində IGB (Interconnector Greece-Bulgaria) interkonnektorunun tikintisi, SOCAR-ın "Bulqartransqaz” və "Bulqarqaz” şirkətləri ilə əməkdaşlığı mühüm addımlar kimi qiymətləndirilib.
Azərbaycanı Bolqarıstanın etibarlı strateji tərəfdaşı kimi xarakterizə edən J. Stankov ölkəsinin Azərbaycan təbii qazının Bolqarıstana tezliklə nəqlində maraqlı olduğunu qeyd edib. O, enerji diversifikasiyasının vacibliyi, Bolqarıstanın tranzit imkanları və enerji sahəsində həyata keçiriləcək yeni layihələr, eləcə də dəyəri 1,4-15 mlrd. avro civarında olan "Balkan” qazpaylayıcı mərkəzinin yaradılması perspektivləri barədə fikirlərini bölüşüb.
Qonaqlara Avropaya qaz tədarükünün şaxələnməsində əhəmiyyətli rola malik "Cənub Qaz Dəhlizi” layihəsinin icrası ilə bağlı son məlumatlar çatdırılıb. Görüşdə qarşılıqlı maraq doğuran bu və ya digər məsələlər ətrafında da fikir mübadiləsi aparılıb.
Digər Xəbərlər
29 Aprel 2024 16:26
Havanın temperaturu iqlim normasından yüksəkdir
29 Aprel 2024 15:45Azad edilmiş ərazilərdə aşkar edilən minaların sayı açıqlanıb
29 Aprel 2024 15:20Voskanyan istefa təkifi: Bizə hakimiyyət dəyişikliyi, bacarıqlı və milli lider lazımdır"
29 Aprel 2024 13:15Prezident Rəşad Nəbiyevə 2 müavin TƏYİN ETDİ - FOTOLAR
29 Aprel 2024 12:18