22 Sentyabr 2023 14:27
431
GÜNDƏM

Azərbaycan əsgəri qondarma rejimin tankını "edam" etdi  - Əziz Əlibəyli yazır

Bütün son savaşlarımızda köhnə simvollar məhv edilir, yeni simvollar yaradılır. Azərbaycan əsgəri təkcə ermənilərin qalibiyyəti kimi nişanələri söküb atmır, bizim məğlub və hüzn dolu xatirlərəmizi də əbədi yandırır.

Çünki Xankədinin girişindəki o tank 30 il idi ki, hər cür şouya alət olmuşdu. Amma o Aqarunovun tankı idi və bir xeyli sayda ermənini də məhv etmişdi bunu hansı ağılla simvola çevirib, lüləyindən sallanır, kölgəsində evlənir, ərə gedirdilər - anlaşılan deyil. Qalibiyyət rəmzi idimi? əsla, hanı o qələbə? Azərbaycan əsgəri hər bir erməni simvoluna çox yaradıcı yanaşır, amma budəfəki yaradıcılığı simvol savaşının pik nöqtəsidir. Tankın başına ip salmaq - prosesin, ermənizmin, 30 illik saxta ideologiyanın, lap elə Myatsumun başına salınan ip oldu.

Tankı iplə boğmaq başqa bir fenomendir - iplə adətən insan boğurlar, Səddam kimi, heykəllər kimi vəs. Amma tankın hərbi edamı dünya tarixində misli görünməmiş hadisədir - İçərisində bütün "DQR" getdi.