22 Sentyabr 2023 16:40
486
DÜNYA

Aİ Tunisə pul ödəyəcək

Avropa İttifaqı qeyri-qanuni miqrasiyanın qarşısını almaq məqsədi daşıyan razılaşma çərçivəsində Tunisə maliyyə vəsaiti ödəyəcək.

Adalet.az AFP-yə istinadən xəbər verir ki, bu barədə Avropa Komissiyasının sözçüsü Ana Pisoreno mətbuat konfransında deyib.

O bildirib ki, 127 milyon avro məbləğində ilk ödəniş yaxın günlərdə ödəniləcək.

Razılaşmanın məqsədi Tunis vasitəsilə Aİ-yə qeyri-qanuni immiqrasiyanın qarşısını almaqdır.

Xatırladaq ki, Aİ və Tunis strateji və hərtərəfli tərəfdaşlıq haqqında razılığa gəliblər. Buna nümunə olaraq 2016-cı ildə Türkiyə ilə bağlanmış müqaviləni göstərmək olar.

Tunis ya Aralıq dənizindən keçməyə mane olacaq, ya da Avropadan miqrantları geri alacaq. Bunun müqabilində Aİ Tunisə bir milyard avrodan çox maliyyə yardımı vəd edib. Pul birbaşa Afrika ölkəsinin administrasiyasına deyil, investisiya layihələrinə verilir.