Xəbər verdiyimiz kimi, martın 16-da Azərbaycan Müdafiə Nazirliyi Ermənistan silahlı qüvvələrinin sərhəd zonasının cənub-şərq hissəsində yerləşən Azərbaycan mövqelərini atəşə tutması barədə üç dəfə məlumat yaydı.

Məlumdur ki, Ermənistan atəş açdığını müxtəlif bəhanələrlə boynundan atmağa çalışıb.
Onun bu gedişinə isə Avropa İttifaqının (Aİ) Ermənistandakı Monitorinq Missiyasının  qərargahı kömək edib. AB-nin bu ölkədəki missiyası sərhədə patrul göndərib və vəziyyətlə bağlı raport verib. Raportda deyilir:"Vəziyyət sakit və sabit olaraq qalır, qeyri-adi fəaliyyət müşahidə olunmur”- AB missiyasının vəziyyətlə bağlı raportunda  deyilir.
Erməni mediası hazırda missiyanın ermənipərəst mövqeyini dəstəkləməkdə israrlıdır.

Qeyd edək ki, Ermənistanın təxribatçı hərəkətlərini ört-basdır etmək üçün orda olduğuna şübhə yoxdur. 2025-ci ilin yanvarında Avropa İttifaqı ölkələrinin səfirləri 209 nəfərdən ibarət olan Aİ-nin Ermənistandakı müşahidə missiyası ilə bağlı qərarı Brüsseldə təsdiqləyiblər. 
Qərara əsasən avropalı müşahidəçilər Ermənistanın sərhədyanı rayonlarında daha iki il - 2027-ci il fevralın 19-dək qalacaqlar.
Hələ 2 il Aİ müşahidəçilərinin bu tip oyunbazlıqlarını müşahidə edəcəyik.

Əntiqə Rəşid