İtaliyada ənənədir, kornetto kappuçino qəhvəaltısı var, kappuçino məlum məsələdir, bilirsiniz, ekspressolu südlü qəhvə, kornetto isə milföy xəmirindən hazırlanmış sadə şokoladlı, vanilli filan şirniyyat növüdür. Hər səhər sobalarda bişir, isti-isti kafelərə paylanılır. Evində qəhvəaltı etməyə vaxtı olmayanlar, işə çatmaq məcburiyyətində olanlar, məmurlar ən yaxın kafeyə gedib kornetto kappuçino atışdırıb işlərinə gedərlər.

İndi italyanlar Romada kornetto kappuçino qəhvəaltısı etməyə gedərkən eritreyalılar qolunu tutub pul istəyir, ruandalılar papaq satmağa çalışır, on metr qabaq somalililər qarşısını kəsdirib pul istəyir, faslı gül satmağa çalışır, on metr irəlidə əfqanlar yaxınlaşıb pul istəyir, suriyalı pulqabı satmağa çalışır, bütün bunları keçib axır ki birtəhər özlərini kafeyə çatdırırlar, çıxışda qanalılar qolunu dartıb pul istəyir, mavritaniyalılar çöplü şirə satmağa çalışır.

Əvvəllər Romaya gələn turistləri vespalı italyan oğrular ağuşuna alırdısa, indi Romada yaşayan italyanlara afrikalı oğrular qucaq açır.

Pul kisəsini itirmədən Kolizeyə girmək üçün əsl qladiator olmalısınız.

Hava qaralanda Prada mağazasının qarşısında saxta Prada eynəkləri satırlar.

Paris Şimal Stansiyasından sonra Avropanın ən böyük qatar stansiyası olan Roma Termini sözün əsl mənasında zəbt edilib, bütün Afrika oradadır, bütün Yaxın Şərq oradadır, demək olar ki, təkcə italyanlar yoxdur.

Trevi Fəvvarəsində, Navona meydanında, İspan pilləkənlərində suriyalılar dilənirlər.

Milliyyəti bilinməyən qeyri-qanuni qaçqın uşaqlar işıqforun qırmızı işığında avtomobillərinin qarşısına keçərək şüşələrini silməyə çalışırlar.

Milan belədir.

Firenze belədir.

Bura Venesiyadır.

Piza qülləsində Burkina Fasodan olanlar saxta ətir satırlar.

Tunisli alverçilər Riminidə üzməyə çalışan italiyalılara zorla zinət əşyaları satmağa çalışırlar.

Bununla belə, İtaliyada seçkilər keçirildi.

Giorgia Melony…

"Artıq bunların heç birinə icazə verməyəcəyəm" dedi.

“Çünki mən qadınam, mən anayam, italiyalıyam” dedi.

"İtaliyanın resursları yalnız italyanlara, italyan gənclərinə məxsusdur" dedi.

“Mədəniyyət və estetika bizim intibahımızdır, mən onu dəyişməyəcəyəm” dedi.

O, böyük fərqlə qalib gəlib.

O, İtaliyanın ilk qadın baş naziri olacaq.

Hazırladı: Eminquey