Yeməklərdə istifadə etdiyimiz, acılığından qorxduğumuz, hətta sağlamlıq baxımından ehtiyatla yanaşdığımız bir tərəvəz olan acı bibər bütün dünyada istehlak edilən təbii vitamin mənbəyidir. 

Adalet.az acı bibərin faydalarını təqdim edir:

1. Aparılan araşdırmalar nəticəsində acı bibər istehlak edənlərin ümumi ölüm nisbətinin daha aşağı olduğu müəyyən edilib.

2. Acı bibərdə onu acı edən kapsaisin adlı maddə vardır. Kapsaisinin mikroorqanizmlərin çoxalmasının və piylənmənin qarşısını aldığı və koronar qan axını tənzimləyən hüceyrə mexanizmlərində rol oynadığı düşünülür.

3. Oynaqlarda iltihablaşmanın və revmatizmanın qarşısını alır. 

4. Şəkər xəstələri acı bibər yeməklə şəkəri normada saxlaya bilərlər. Xüsusən də Çili bibəri qanda şəkərin miqdarını normallaşdırır.

5. Acı bibər soyuqdəyməyə, diş və boğaz ağrılarına kömək edir. Antibiotik dərmanların qəbulundansa, üyüdülmüş istiotu suya qatıb içmək orqanizmə daha çox fayda verir.

6. Əsrlərdir acı bibərdən xalq təbabətində istifadə edilir. Bəzi xalqlar acı bibərlə xüsusi müalicə üsulları hazırlayıblar. Soyuq havalarda ayaqqabıların içinə qoyulan acı bibər barmaqları donmadan qoruyur. Qanayan yaraya qoyulan acı bibər qanaxmanı dayandırır və yaranın iz qalmadan yaxşılaşmasına kömək edir./unikaı