ABŞ və İran 17 avqustda başa çatacaq 60 günlük atəşkəs müqaviləsinin müddətini uzatmaq barədə "razılığa gəliblər".

Adalet.az xəbər verir ki, bunu Pakistan rəsmiləri “Anadolu” agentliyinə açıqlamalarında bildiriblər. 

Məlumata görə, tərəflər vasitəçiləri müddətin uzadılmasına razılıqlarını bildiriblər, eyni zamanda tərəflərlə atəşkəsin 17 avqustdan sonra nə qədər uzadılacağı ilə bağlı əlaqələr davam edir.

ABŞ və İsrailin İrana hücumları ilə başlayan müharibəyə son qoymaq üçün Vaşinqton və Tehran 17 iyunda İslamabad Sazişini imzalayıblar. Saziş yekun razılaşma üçün 60 günlük danışıqlar müddətini nəzərdə tuturdu.