Şuşa işğaldan azad olunandan , yəni 2020-ci ilin noyabrından etibarən ən böyük arzularımdan biri də,  Şuşanın girişində lüləsi Şuşaya tuşlanmış formada 442 nömrəli erməni  tankının abidəsinin sökülməsi idi. O tank bizim  mənəvi dünyamızı yerlə-yeksan edən xatirələrlə doludur. 

Yaralı yerimiz idi o 442 saylı  tank! Birinci Qarabağ müharibəsi zamanı 8 may 1992-ci ildə Ermənistan Şuşaya hücum etməyə başlayır. Şuşaya ilk girən 442 saylı, T-72 model bu tank Azərbaycanın Milli Qəhrəmanı Albert Araqunovun 533 nomrəli tankı ilə vurulur. Bütün ekipaj və 

 ermənilərin "arsax qəhrəmanı" Avşaryan tankda  yanıb ölür.  Aqarunov hədəfi vurduğunu dəqiqləşdirmək üçün tankın lyükundan baxarkən erməni snayperinin gülləsinə tuş gəlir. Elə həmin gün Albert Aqarunovun Şəhidlik zirvəsinə ucaldığı gündür. Bax, beləcə, 1992-ci ildə işgaldan sonra ermənilər tərəfindən Şuşa şəhərinin girişində qələbə simvolu kimi qoyuldu 442...

Arzu edirik ki, Şuşa işğaldan azad olunan gün, əsgərlərimiz bu tankı məhv etsinlər və yerini Aqarunovun 553 nömrəli tankını yerləşdirsinlər. Ya da Aqarunovun Bakıdakı heykəlini Şuşanın girişinə gətirsinlər, elə həmin yerə, elə həmin postamentin üzərinə!

 Təəssüf ki, 44 günlük müharibədən sonra bir çox arzumuz kimi bu arzumuzu da, separatçıların "dəyərləri"ni  əziz tutan Rusiya sülməramlıları hər zaman əngəllədi! Ta bu günə qədər.

Bu gün tank abidəsi 31 illik  yerindən  götürülub, atıldı.  Bütün şəhidlərimizin ruhu qarşısında baş əyirik! Azərbaycanın Milli Qəhrəmanı, əfsanəvi tankçı, fədakar, vətənpərvər insan Albert Aqarunovun da ruhu şad olsun!

Allah bütün qazilərimizi qorusun!

 Əntiqə Rəşid