Azərbaycanda son iki ildə 100-ə yaxın şəxs könüllü donor olmaq üçün müraciət edib.

Adalet.az xəbər verir ki, bunu Orqan Donorluğu və Transplantasiyası üzrə Koordinasiya Mərkəzinin İdarə Heyətinin sədri Yeganə Abbasova keçirdiyi mətbuat konfransında deyib.

O bildirib ki, bu sahədə aparılan təbliğat işlərinə baxmayaraq, son iki ildə cəmi 100-ə yaxın şəxs könüllü donor olmaq üçün müraciət edib.

Qeyd edək ki, Azərbaycanın səhiyyə tarixində orqan donorluğu və transplantasiyası sahəsində ilkə imza atılıb.

Meyit donorun orqanları transplantasiya edilib. Bu, Qafqaz regionunda ilk dəfə meyit donordan alınan orqan transplantasiyası əməliyyatlarıdır.