Hamının elə dünyanında “demokrat” dediyi Ermənistanın Baş naziri səlahiyyətlərini icra edən Nikol Paşinyan son günlər onun yeritdiyi siyasətə qarşı olan rəsmi şəxslərin tutduğu vəzifədənuzaqlaşdırması və bəzi hallarda həbs elətdirməsi adi hala çevrilib.

Adalet.az xəbər verir ki,  Paşinyan rəqiblərini sıradan çıxarmaq və onlardan intiqam almaq üçün ilk öncə Sisian şəhər meri Artur Sərksiyan həbs etdirdi, Sisian şəhərinin də daxil olduğu Sünik (Zəngəzur) bölgəsinin beş icma rəhbəri həbs edilib. Mehri, Qacaran, Vorotan, Gorus rəhbəri barəsində cinayət işləri açdırdı . Əslində Ermənistanın müdafiə naziri Vaqarşak Arutyunyanın qəfil istefasında da Nikolun əli olduğu asta-asta mediaya sızdırılır.

 Maraqlıdır ki, Vaqarşak Arutyunyanın yerinə - Arşak Karapetyanın Ermənistan Müdafiə Nazirliyinə təyinatından sonra sözügedən qurumda bir neçə vəzifəli şəxs istefa ərizəsi yazıb. erməni mediası məsələyə belə reaksiya verib.

“Hazırkı nazir müavini bəzi şöbə müdirləri ilə münasibətlərini gərginləşdirib, hətta xoşagəlməz hadisələr yaşanıb. Həmin şəxslər onlara “qapı arxası” göstərilmədən nazirlikdən ayrılmağa qərar veriblər. Əsaslı tikinti, kadr və hərbi təhsil siyasəti şöbələrinin rəhbərləri, hüquq şöbəsi, eləcə də bir sıra tabe strukturların rəhbərləri artıq istefa ərizələri yazıblar”, - deyə məlumatda qeyd olunub.  Bu yuxarı vəzifə sahiblərinin çalxalanmasıdır.

 

 Aşağıdakı ermənilər isə başqa bir təlatümdədir

 

 

Yuxardakı təlatümlərə etinasız qala bilməyən, niyyətlərinə görə gələcəklərin Qarabağda dumanlı olacağına əmin olan ermənilərdən də xəbər var. Qarabağa köçürülüb gətirilən və burada məskunlaşdırılmasına çalışılan ermənilərin sayı son bir ayda daha 5 min nəfər azalıb.

Bu fakt ötən gün Prezident İlham Əliyevin AzTV-yə geniş müsahibəsində səsləndirdiyi rəqəmdən bəlli olur. Belə ki, Prezident peyk vasitəsilə Laçın dəhlizi də daxil olmaqla, Qarabağ iqtisadi rayonunun bir hissəsinin, rus sülhməramlılarının məsuliyyət zonasının ciddi şəkildə izlənildiyini, hər gün Laçın dəhlizindən nə qədər maşının gəlib-getdiyini, o ərazilərdəki insanların hərəkət istiqamətlərinin nəzarətdə saxlanıldığını bildirib. Bu nəzarət sayəsində də Qarabağ iqtisadi rayonunun bir hissəsində məskunlaşdırılan ermənilərin sayının hazırda maksimum 25 min nəfər olduğunu Prezident rəsmən elan etdi.

Prezident qeyd etdi ki, rus sülhməramlılarının müharibədən sonra - 14 noyabr 2020-ci ildən başlayaraq Qarabağa köçürüb gətirdiyi və burda məskunlaşdırmağa çalışdığı 50 mindən çox erməni (Rusiya MN bu rəqəmin 52 min 700 olduğunu açıqlayıb . heç də daimi yaşayış üçün Azərbaycan ərazisini seçməyib. Onların bir çoxu gəldiyi kimi də geri qayıdıb.

Yada salaq ki, bir müddət əvvəl Qarabağda 30 min erməninin məskunlaşdığı bildirilmiş və bu rəqəmi dolayısı ilə Qarabağdakı erməni separatçılarının rəhbəri Araik Arutyunyan da təsdiqləmişdi. A.Arutyunyan bildirmişdi ki, Qarabağda ümumilikdə 35 min erməni yaşayır.

Lakin indi bəlli olur ki, son bir ayda ermənilərin sayı daha 5 min azalıb.

Qeyd edək ki, Birinci Qarabağ müharibəsi başlamazdan öncə Qarabağda 149 minə yaxın erməninin yaşadığı rəsmi mənbələrdə təsdiqlənirdi. Qarabağın işğalından sonra, İkinci Qarabağ müharibəsinə qədər Qarabağda cəmi 60 min erməni qalmışdı. İşğal illərində Ermənistan hakimiyyətinin Azərbaycan torpaqlarını vəhşicəsinə talaması, burda daimi müharibə təhlükəsi Qarabağda yaşamağı mümkünsüz etmişdi.

 

NƏTİCƏ

 

Azərbaycanın 27 il işğal altında saxlanılan torpaqları yalnız əkin, yeraltı sərvətlərin talanması üçün istifadə edilib. Bilənlər bilir,  Ermənistanın taxıl ehtiyatlarının əhəmiyyətli hissəsi bütün tikililəri məhv edilmiş Azərbaycan torpaqlarında əkilən buğda sahələrindən toplanılırdı.

Nəticə olaraq bəlli olur ki, Ermənistanın apardığı işğal siyasəti yalnız öz milli maraqlarına ciddi ziyan vurub, əhalisinin azalmasına və demoqrafik-iqtisadi probleminin kəskin artmasına səbəb olub. Yeri gəlmişkən, 1991-ci ildə Ermənistan əhalisi 3,5 milyona yaxın idisə, hazırda bu ölkədə 2 milyondan az (erməni mənbələri 1,8 milyon qeyd edir) əhali yaşayır.

 Beləcə 28 il əvvəl bizə yaşatdığını hazırda Ermənistan hakimiyyəti özü yaşayır. Bütün xırda detallarıyla birgə.

 Əntiqə Rəşid