"Milan"ın futbolçusu Hakan Çalhanoğlu zədələnib.

Qol.az İtaliya mətbuatına istinadən xəbər verir ki, türk yarımmüdafiəçi Avropa Liqasının qrup mərhələsinin 1-ci turunda "Seltik"lə matç öncəsi məşq zamanı zədə alıb. Onun təxminən 7-10 gün yaşıl meydanlardan uzaq qalacağı bildirilib. Bu isə o deməkdir ki, Hakan Şotlandiya təmsilçisi ilə görüşü, həmçinin A seriyasında "Roma" və "Udineze" ilə qarşılaşmaları buraxacaq. 26 yaşlı futbolçunun Avroliqada "Slaviya"ya qarşı da oynayacağı gözlənilmir.

Qeyd edək ki, sabah keçiriləcək "Seltik" - "Milan" oyunu Bakı vaxtı ilə saat 23:00-da başlayacaq.