1979-cu ildə devrilmiş İran şahının oğlu Rza Pəhləvi İslam Respublikasına qayıtmağa və hətta keçid dövründə ölkəyə rəhbərlik etməyə hazır olduğunu açıqlayıb.

Adalet.az xəbər verir ki, o bu barədə "Fox News"a bildirib.

İranda geniş yayılmış iğtişaşlar fonunda Rza təxminən yarım əsrdən sonra ilk dəfə "ən qısa fürsətdə" vətəninə qayıtmağı planlaşdırdığını bildirib.

"Uzun müddət keçib, amma tezliklə orada olacağam. İrana qayıtmağa hazıram və artıq bunu planlaşdırıram. Məndən müdaxilə edib bu keçid dövrünə rəhbərlik etməyim xahiş olunur və deyə bilərəm ki, buna hazıram", - deyə o bildirib.