Yardımlıdan Bakıya külli miqdarda narkotik daşımaq istəyən şəxs saxlanılıb

Yardımlıdan Bakıya külli miqdarda narkotik vasitə daşımaq istəyən şəxs saxlanılıb.
DİN-in Mətbuat Xidmətinin Lənkəran regional qrupundan verilən məlumata görə, Yardımlı Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat nəticəsində Masallı rayon sakini, əvvəllər Cinayət Məcəlləsinin bir neçə maddəsi ilə məhkum olunmuş Novruz Həbibov idarə etdiyi “Chevrolet” markalı avtomobillə Yardımlı rayonu ərazisində saxlanılıb. Keçirilən baxış zamanı həmin nəqliyyat vasitəsinin yük yerindən 4 kiloqramdan artıq marixuana aşkarlanaraq götürülüb.
Araşdırmalarla N.Həbibovun onlayn yolla İran vətəndaşından əldə etdiyi həmin narkotik vasitəni satışının təşkil olunması üçün Bakı şəhəri ərazisinə çatdırmalı olduğu müəyyən edilib.
Faktla bağlı Yardımlı RPŞ-də araşdırma aparılır.
Digər Xəbərlər

Cinayətdə şübhəli bilinən 29 nəfər saxlanıldı

Cəbrayılda əməliyyat - Bir nəfər həbs edildi - VİDEO

Qayınatası tərəfindən öldürülən Günel müəllim imiş - VİDEO

DTX və DSX əməliyyat keçirdi - 42 kiloqram narkotik götürüldü - FOTO

Cinayətdə şübhəli bilinən 52 nəfər saxlanıldı

Körpə qızı ilə yatarkən qardaşı tərəfindən qətlə yetirildi - Bakıda dəhşətli cinayət

DİN BNMİ 17 kq marixuana aşkarladı - Əməliyyat görüntüləri
