Salamım var,bizim Ayna həkimə

Yoxdu bu dünyanın malında gözü,

Doğrudur söhbəti,doğrudur sözü.

Qiptə eyləyirəm,mən ona düzü.

Salamım var,bizim Ayna həkimə.

******

Diş ağrısa,dərdlər büküm-bükümdü,

Diş ağrısı ürəyimdə yükümdü.

Çox sevdiyim bizim Ayna həkimdi.

Salamım var,bizim Ayna həkimə.

******

Səliqə-səhman da vardı,bu yerdə.

O,əlac eyləyir dişdəki dərdə.

İrəli aparır,qoymayır gerdə.

Salamım var,bizim Ayna həkimə.

******

Hər insana kömək eyləyir hər an,

Deyir ki,sevinsin,qoy gülsün insan.

İnsan sevincindən qoy gülsün cahan.

Salamım var,bizim Ayna həkimə.

******

Həkim var ki,desən dərdin çoxalar,

Həkim var ki,desən dərdin yox olar,

Xəstə insan dönər,sap-sağlam olar,

Salamım var,bizim Ayna həkimə.

******

Əlində imkanı olan kimsana,

Əgər rəhm edərsə,insan-insana,

Allahdan nur,işıq düşər cahana.

Salamım var,bizim Ayna həkimə.

******

Ürəyimdən gələn sözü yazıram,

Yalan deyil,inan,düzü yazıram,

Bu insandan bil ki, azı yazıram.

Salamım var,bizim Ayna həkimə.

******

44-nömrəli poliklinikanın diş həkimi Ayna həkimə həsr edirəm.

Şeirin müəllifi: Dünya Qarabağlı-Texniki Universitetin İqtisadiyyat və İdarəetmə fakültəsinin tələbəsi.