08 Iyun 2023 12:35
358
DÜNYA

Xersonda onlarla yaşayış məntəqəsi su altında qaldı

İyunun 6-da Ukraynanın Xerson vilayətində Kaxov SES-in bəndinin dağıdılması nəticəsində Xerson və Yeni Kaxov şəhərləridə daxil olmaqla onlarla yaşayış məntəqəsi tamamilə su altında qalıb. Su Elektrik stansitası demək olar ki, suya qərq olub.

Bir hissəsi Rusiya qoşunları tərəfindən işğal altında qalan Xerson regionunun rəhbəri vəzifəsini icra edən Vladimir Saldonun verdiyi məlumata görə, 29 nəfər xəsarət alaraq hospitala yerləşdirilib, ölən yoxdur. Su basmış rayonlardan əhalininin köçürülməsi üçün 48 müvəqqəti məntəqə yaradılıb. Saldonun sözlərinə görə, əsas çətinliklər artıq arxada qalıb.

Aleşki və Qoloy Pristani, ən çox zərər çəkən yaşayış məntəqələridi. Yerli hakimiyyətin verdiyi məlumata görə, Ukrayna hərbi qüvvələrinin mütamadi arteleriya atəşi altında bu rayonlardan əhalinin evakuasiyasında çətinliklər yaranır. Bundan başqa Dnepr çayında suyun sürətinin on dəfəyə qədər artması da əhalinin köçürülməsinə müəyyən problemlər yaradır.

Rusiya tərəfi Kaxov SES-in bəndlərinin dağıdılmasında Ukrayna hərbi qüvvələrini günahlandıraraq, onların bilərəkdən Xerson vilayətində əsil ekosid yaratdıqlarını bəyan ediblər. Ukrayna tərəfi isə, Rusiya tərəfinin işğala don geyindirmək üçün SES-in bəndləruni qəsdən dağıtdlqlarını bildirirlər.

Rüstəm Hacıyev