Hazırda erməni mediası Xankəndi yaxınlığındakı yanacaq məntəqəsində çənin partlaması nəticəsində ölən və xəsarət alanlarla bağlı məlumatları tirajlamaqla məşğuldur..
Məlumatlarda deyilir ki,  3 tibb müəssisəsinə ümumilikdə müxtəlif xəsarətlərlə 290 nəfər gətirilib. Həmçinin rus sülhməramlılarının modul tipli tibb mərkəzi də  yaralıları qəbul edib.

Partlayış əsnasında ağır yaralanan 7 nəfərin həyatını xilas etmək mümkün olmayıb,  13 meyitin isə şəxsiyyəti tanınmayıb və morqa yerləşdirilib.

İtkin düşənlər var amma hələki onlar haqqında konkret məlumat yoxdu.

Qeyd edək ki, ötən gün Xankəndi-Əsgəran yolu üzərindəki yanacaq məntəqəsində yanacaq almaq üçün xeyli erməni əraziyə yığışıb və elə bu əsnada partlayış olub.

Əntiqə Rəşid