“Təbrikiniz üçün çox sağ olun. Dünən bir neçə dostum doğum günümü təbrik etmək üçün yaşadığım Kürdəxanı qəsəbəsinə gəlmişdilər. Heç kimi doğum günümə çağırmıram. Doğum gününə adam çağırmazlar, dost-tanış özü gələr”

Bunu Adalet.az-a açıqlamasında 77 yaşı tamam olan Xalq artisti, tarzən Vamiq Məmmədəliyev deyib. Xalq artisti sənətinin onun sərvəti olduğunu bildirib:

“Özümü yaxşı hiss edirəm. Xidmətmətlərimə görə sevinirəm. Sənətim varım-dövlətimdi. Ona görə xəzinənin  üstündə əyləşib yavaş-yavaş onu xərcləyirəm”. 

Məşhur tarzən ölüm haqda da düşündüyünü bildirib:

“Ölüm haqdır, bu haqda düşünürəm. Necə ki, əcdadlarımız ölüb biz də dünyamızı dəyişəcəyik. Bu haqda düşünəndə deyirəm ki, nə yaxşı bu günə kimi heç kimə mərdi-məzarlıq etməmişəm”. 

Vasif Əlihüseyn