Vətəndaşdan rüşvət alan vəkil həbs edildi

Bakı şəhərində yerləşən “Kamandar Nəsibov və partnyorları” vəkil bürosunun vəkili Rzayev Babək Vahid oğlunun qanunsuz əməlləri barədə toplanmış materiallar əsasında Naxçıvan Muxtar Respublikası Prokurorluğunda cinayət işi başlanmışdır.
Baş Prokurorluğu ilə Vəkillər Kollegiyasından Adalet.az-a verilən məlumata görə, istintaq tədbirləri ilə vəkil Babək Rzayevin muxtar respublikada müvafiq məhkəmənin icraatında olan cinayət işi üzrə özünün həqiqi və ya güman edilən təsir imkanlarından istifadə edərək müvafiq vəzifəli şəxsin qərarına təsir etmək imkanına malik olmasını vətəndaşlara bildirməklə 2024-cü ilin iyun ayı ərzində müxtəlif məbləğlərdə müqavilədən kənar pul vəsaitini tələb edib almasına əsaslı şübhələr əldə edilmişdir.
İş üzrə toplanmış sübutlar əsasında Babək Rzayev Azərbaycan Respublikası Cinayət Məcəlləsinin 312-1.1-ci (vəzifəli şəxsin qərarına qanunsuz təsir göstərmə - nüfuz alveri) maddəsi ilə təqsirləndirilən şəxs qismində cəlb edilməklə barəsində müstəntiqin vəsatəti, ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilmişdir.
Həmçinin, Vəkillər Kollegiyası tərəfindən vəkil barəsində qanunvericilikdə nəzərdə tutulmuş qaydada araşdırma aparılır və onun davranışına hüquqi qiymət veriləcəkdir.
Hazırda cinayət işi üzrə əhəmiyyət kəsb edən halların, cinayətin törədilməsində hər hansı şəkildə iştirak etmiş digər şəxslərin müəyyənləşdirilməsi istiqamətində istintaq tədbirlərinin həyata keçirilməsi davam etdirilir.
Digər Xəbərlər

Vardanyan yenidən zərərçəkmişlərlə üz-üzə

"Sputnik Azərbaycan"da saxlanılanlarla bağlı məhkəməyə təqdimat daxil olub

Azər Zahid ev dustaqlığına buraxıldı

Baş prokuror Yekaterinburq hadisələri ilə bağlı cinayət işi başlatdı

Vardanyanın məhkəməsində zərərçəkmişlər ifadə verdilər - FOTOLAR

Özünə polkovnik rütbəsi vermişdi, 10 il həbs olundu

Baş Prokurorluqda dövlət qulluqçularının peşə bayramı qeyd olunub
