“Çin tərəfi Rusiya, ABŞ və Çin liderlərinin üçtərəfli görüşünə hazırlıqlara başlayıb”​.

Adalet.az “İnterfaks”a istinadən xəbər verir ki, bu barədə Rusiya Prezidentinin köməkçisi Yuri Uşakov məlumat verib.

O bildirib ki, uğurlu şərait daxilində danışıqlar Şençjen şəhərində keçiriləcək Asiya-Sakit Okean İqtisadi Əməkdaşlığı (APEC) sammiti çərçivəsində baş tuta bilər:

“Çinli dostlarımız – APEC sammitinin ev sahibləri bu görüşün hazırlığı ilə məşğuldurlar. Əlverişli şərait olarsa, onlar, əlbəttə ki, bu görüşü Şençjendəki tədbirlər proqramına daxil edəcəklər. Bu bəyanat Vladimir Putinin ABŞ lideri Donald Trampın xüsusi elçisi Stiv Uitkoff ilə söhbətinin yekunlarına əsasən verilib. Üçtərəfli danışıqların gündəliyinə gəlincə, Rusiya tərəfi artıq bir sıra praktiki təkliflər formalaşdırıb”.

Xatırladaq ki, oktyabrın 19-da Vladimir Putin Donald Tramp və Si Cinpin Şençjendəki APEC sammiti çərçivəsində üçtərəfli sammit keçirməyi təklif etmişdi. “The Wall Street Journal”ın məlumatına görə, liderlər Volodimir Zelenski olmadan Ukrayna münaqişəsinin nizamlanmasını müzakirə etməyi planlaşdırırlar.