adalet.az header logo
  • Bakı 14°C
  • USD 1.7
20 Aprel 2024 16:44
493
DÜNYA

Türkiyə XİN-dən Qazaxın 4 kəndi ilə bağlı BƏYANAT

Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyası tərəfindən əldə edilən razılaşma ilə bağlı Türkiyənin Xarici İşlər Nazirliyi (XİN) bəyanat yayıb.

Adalet.az xəbər verir ki, Türkiyə XİN bəyanatında Azərbaycan-Ermənistan arasında dövlət sərhədinin delimitasiyası üzrə Dövlət Komissiyasının aprelin 19-da keçirilən görüşündə 30 il işğal altında olan dörd kəndin Azərbaycana verilməsi və delimitasiya fəaliyyətlərinin davamı ilə bağlı əldə edilən razılaşmanı məmnuniyyətlə qarşıladığını bildirib.

Nazirlik birbaşa danışıqlar yolu ilə əldə edilən bu müsbət inkişafın yekun sülh sazişinin imzalanması istiqamətində mühüm addım olduğunu vurğulayıb.