Türkiyə Superliqasının 29-cu turunda “Beşiktaş” “Qalatasaray”ı qəbul edib.

Adalet.az xəbər verir ki, qarşılıqlı hücumlar şəraitində keçmiş birinci hissədə komandalar hərəyə bir qolla fərqləniblər. Bundan başqa, “aslanlar”ın heyətində Frankovski qırmızı vərəqə alaraq meydandan qovulub.

İkinci hissədə təşəbbüsü ələ alan “ağ-qaralar” hesabda irəli çıxmağı bacarıblar. Gedson Fernandes komandasının qələbə qoluna imza atıb. Ümumi vaxta əlavə edilmiş 6-cı dəqiqədə meydan sahibləri də azlıqda qalsa da, bu “Cimbom”a kömək etməyib: “Beşiktaş” – 2, “Qalatasaray” – 1.

Belələliklə, 28 oyundan birinci pillədə qərarlaşan “Qalatasaray”ın aktivində 71 xal var. Komandanın ən yaxın təqibçisi “Fənərbağça” isə 27 oyuna 65 xal toplayıb. “Beşiktaş” 27 oyuna 47 xal qazanıb, “qara qartallar” dördüncü pillədədirlər.