Türk Əməkdaşlıq və Koordinasiya Agentliyi (TİKA) Bakıda, Azərbaycan Autizm Assosiasiyasının nəzdində müasir müalicə mərkəzi istifadəyə verib. Bu xüsusi müalicə otağıdır. Bu otaqlar, xüsusilə autizm spektr pozuntusu olan uşaqların reabilitasiyasına və müalicəsinə dəstək məqsədilə yaradılıb.

Adalet.az xəbər verir ki, rəsmi açılış mərasimi TİKA-nın sədr müavini Dr. Ümit Naci Yorulmazın iştirakı ilə keçirilib. Tədbirdə həmçinin Milli Məclisin deputatı Vüqar İskəndərov, Azərbaycan Autizm Assosiasiyasının sədri Elnur Məmmədov, xüsusi qayğıya ehtiyacı olan uşaqlar və onların ailələri iştirak ediblər.

Çıxışında Dr. Yorulmaz bildirib ki, TİKA 1994-cü ildən Azərbaycanda fəaliyyət göstərsə də, bu layihə bizim üçün bir ilkdir.

“Uzunmüddətli səylər tələb edən bu sahədə, xüsusi uşaqların reabilitasiyasına töhfə vermək məqsədilə bu otaqları yaratdıq. Bu dəyərli təşəbbüsün bir parçası olmaqdan və uşaqların sevincini paylaşmaqdan böyük qürur duyuruq.”- Dr. Yorulmaz bildirib.

Deputat Vüqar İskəndərov isə Azərbaycanda xüsusi qayğıya ehtiyacı olan uşaqlara göstərilən diqqət və həyata keçirilən layihələr barədə məlumat verərək qeyd edib:

>“Bu otaqlar autizmli uşaqlara və bizlərə TİKA-nın bir hədiyyəsidir. Bu təşəbbüsə görə həm TİKA-ya, həm də qardaş Türkiyəyə təşəkkür edirik.”

Bu təşəbbüs, atizmli uşaqların inkişafına və cəmiyyətə inteqrasiyasına mühüm dəstək verəcək