Deyirlər ki, Yeni Günəşli qəsəbəsi paytaxtdan uzaq olduğuna görə, ora bir o qədər də diqqət yetirmirlər.

Amma bu məsələyə heç də birmənalı yanaşmaq olmaz. Çünki elə sahələr var ki, orda vəziyyət yaxşıdır. Amma bu sözləri Yeni Günəşlinin yolları haqqında demək olmaz .

Ən azından ona görə ki, qəsəbənin yollarında  çala- çuxur çoxdur. Yolların belə bərbad olması yol- nəqliyyat hadisələrinin baş  verməsinə münbit şərait yaradır.Üstəlik də " Ballı market" dən  Suraxanı Tibb  Mərkəzinə qədər  piyada səkisi  də yoxdur! Belə də olanda piyadalar yolun hərəkət hissəsinə çıxırlar.

Ümumiyyətlə, Yeni Günəşlidə piyada səkiləri çox azdır.Əsas məsələ odur ki, qəsəbənin yolları  heç də ürəkaçan deyil. İnanmaq istərdik ki, əlaqədar qurumlar tezlikdə Yeni Günəşlidə avtomobil yolların əsaslı surətdə yenidən inşa edəcək və mövcud nöqsanları aradan qaldıracaqdır.

Emil Faiqoğlu