Bu gün bölgələrdə ot, yonca biçiminə başlanılıb. Təbii ki, kənd yerlərində həmişə bu vaxtlar ot, yonca biçilir, toplanır və sonra da daşınır. Bax o daşınma zamanı bir çox problemlər  meydana gəlir.

Həmin problemlərdən biri də ot, yonca bağlamalarının yük maşınları və traktor qoşquları ilə daşınmasıdır. Çünki bu daşınmalar zamanı otun üstündəki adam yaxıla bilər və ot bağlamaları maşına və traktorun qoşqu hissəsinə yaxşı bağlanmadığından  o bağlamalar yerə düşə bilər, eləcə də digər avtomobillər üçün qəza yaradar.

Bütün bunlar sürücülər və  həmin məhsulun sahibləri tərəfindən nəzərə alınmalıdır. Bir neçə gün bundan öncə yük maşınında ot bağlaması aparılarkən  maşında yük çox olduğundan bağlamalar elektrik xəttinə toxunub, nəticədə  ot bağlamalarında  yanğın baş verib.

Yanğın zamanı həm ot bağlamaları , həm də yük maşını yanıb. Bütün bunlar onu göstərir ki, bəzən yük maşınlarında, traktor qoşqularında ot, ot bağlamaları aparılarkən yanğın təhlükəsizliyi qaydalarına əməl edilmir və bu da sonda  ağır hadisələrə gətirib çıxarır.Ona görə də həmin insanlar diqqətli olmalı, mövcud yükdaşıma qaydalarına əməl etməlidir!!!

Emil Faiqoğlu