Deyirlər ki, şirin dil ilanı da yuvasından çıxarar. Bu sözləridə böyük həqiqət var.

Və həqiqət də  ondan ibarətdir ki, şirindilli insanlar hamı tərəfindən sevilir. Nəyə görə bunu deyirəm! Bizim yaşadığımız Yeni Günəşli qəsəbəsində  " D" massivində bir poçt var. Kommunal borcları ödəmək üçün ayda bir dəfə yolum o poçtdan düşür.Xidmət sahələrində bəzən görürsən ki, bu söz soruşursan  sən  başdangetdi, açı cavab verirlər. Amma bu poçtda abı- hava başqa cürdür.

Çünki uzun müddət burda işləyən Sevinc xanım və Turac  xanım çox mədəni, alicənab , şirindil insandır. Bəzən ödəniş edənlərin sayı artır və növbə yaranır. Amma xanımlar insanlarla o qədər mədəni rəftar edir ki, hecadamın ruhu belə incimir. Mən inanmıram ki, kimsə onların xidmətindən narazı qalsın.

Belə ki, Sevinc xanım hər bir insana,"başına dönüm", " qadan alım", "qurban olum",- deyir. Və xidmət etdiyi yerdə elə bir aura yaradır ki, heç kim orda özünü pis hiss etmir.Poçta ödəniş etməyə gələn insanlar isə  bu mehriban  xanımin onlara doğma münasibət bəsəməsindən  heyran qalırlar.Yaşlı bir pensiyaçı Sevinc xanıma yaxınlaşıb  ona kömək etməsini istədi.

Dedi ki,  hamı pensiyanı alıb, mənim kartımda pul olmadığına görə ala bilməmişm. Sevinc xanım onu diqqətlə dinlədikdən  sonra bildirdi ki, " Koroğlu" metrostansiyasının yaxınlığında " Dost" xidməti var, ora müraciət elə, sənə kömək göztərərlər. Onu düzgün istiqamətləndirdiyinə və səmimi münasibətinə görə ağsaqql ona təşəkkür elədi.

Bax xidmət sahələrində  Sevinc xanım kimi, Turac  xanım kimi mədəni və şirindil insanlar çalışmalıdır ki, əhali onlardan razı qalsın, xoş ovqatla həmin yerlərdən ayrılsınlar!

Emil Faiqoğlu