Uzun müddətdir ki, biz  Sumqayıt şəhəri , Sülh küçəsi, 76-çı məhəllə, 10 D ünvanda  yerləşən Çörək Zavodunun istehsal etdiyi 700 qramlıq və 1 manat 5 qəpiyə satılan  kömbə  çovdarlı çörəkdən istifadə edirik.

İnsaf naminə deyək ki, digər qara çörəklərlə müqayisədə bu çörəklər daha keyfiyyətlidir. Amma təəssüflər olsun ki, həmişə belə olmur.  Belə ki, yanvarın 10- da  Yeni Günəşlidə " Ballı market" dən aldığımız çörək keyfiyyətli çıxmadı. Çörəyə istehsal zamanı köhnə çörək qatılıb.

Qatqının  şəklini də çəkdik ki, qoy, əlimizdə faktımız  olsun! Təbii ki, bu cür qanun pozuntusu istehsalçının nüfuzuna  xələl gətirməklə, istehlakçıları da narazı salır.  Burdan belə bir məntiqi nəticə çıxır ki, bu müəssisədə tapşırılan işə laqeyd yanaşan, məsuliyyətsiz işçilər var.

Bəs onda zavodun rəhbərliyi,texnoloqlar  və ayrı- ayrı mütəxəssislər hara baxırlar?!   Qoy, bu suala da  onlar özləri cavab  versinlər ki, təzə çörəyə köhnə çörəyi nə görə qatıblar! Hansı ki, mövcud qanunla köhnə çörək mağazalardan  qaytarılandan  sonra  istehsaldan  da çıxarılmalıdır!

Emil Faiqoğlu