Deyirlər ki, hər meyvənin və giləmeyvənin öz mövsümü vaxtı var! Ona görə də onları deyilən vaxtda yemək lazımdır.

Amma gəlin görək, bu deyilənlərə əməl edə bilirikmi?! Əlbəttə, bu suala birmənalı cavab vermək olmur. Çünki çoxumuz meyvələrin yeyilməsi  vaxtını gözləmirik! Yəni onları vaxtından tez yeyirik.Çox vaxtı da bunun ziyanını görürük! Elə götürək qarpızı.

Deyirlər ki, onun yeyilməsi vaxtı avqust ayıdır. Ancaq  may ayından bazar-dükanlarda  qarpız satılır. Və insanların çoxu da o qarpızı alıb yeyir!  Ona görə də qarpızdan zəhərlənmə halları baş verir!  Klinik Tibbi Mərkəzin  tokskologiya şöbəsindən aldığımız məlumata görə, qarpızdan neçə- neçə insan zəhərlənib! Buna da səbəb qarpızıa normadan artıq   kimyavi maddələrin , o cümlədən  üzvı və qeyri- üzvi gübrələrin verilməsidir.

Bununla yanaşı, onun saxlanılması zamanı  mövcud normalrın pozulmasıdır. Belə ki, qarpız həftələrlə günün altında  qalanda  keyfiyyətlin itirir və xarab olur. Təbii ki, bu da zəhərlənməyə şərait yaradır.  Məhz buna görə də hər meyvəni və  giləmeyvəni öz mövsümündə yemək lazımdır!

Emil Faiqoğlu