Dekan tələbələrlə rəqs etdi
Son vaxtlar Sumqayıt Dövlət universitetində böyük islahatlar həyata keçirirlir.
Yeni rektorun fəaliyyətə başlaması ilə bu ali məktəbdə qısa zamanda çox dəyişikliklər baş verib. Rektor gənc olduğu üçün vəzifəyə də istedadlı və ədalətli gəncləri gətirib. Təbii ki, bu gənclər də onlara göstərilən etimadı zaman- zaman doğrdurlar! Bugünlərdə sosial şəbəkədə universitetlə bağlı bir video paylaşılıb! Həmin görüntüyə baxanda bir daha indi vəzifəyə təyin olunan gənclərin nə qədər sadə və səmimi olduğunu hiss edirsən! Belə ki, bayram münasibətilə universitetdə təşkil olunmuş konsertdə dekan tələbələrlə bir yerdə rəqs edir.
Tələbələr dekanlarını dövrəyə alır və gözəl rəqs edirlər. Bax dekan- tələbə münasibətlərində bu gözəl bir addımdır. Dekan tələbəyə öz əzizi kimi yanaşir, tələbə də dekana!Müasir düşünə tərzi, sivil münasibətlər ali məktəblərdə əsas tendensiya olmalıdır. Bax bu cür səmimi münasibətlərlə tələbələrin ürəyin fəth etmək, müəllim- tələbə davranışında yeni bir yol, çığır açmaq olar! Bu mənada Sumqayıt Dövlət Universitetindəki yeniliklər bir çox ali məktəblərə nümunə sayıla bilər!
Emil Faiqoğlu