Futbol üzrə İspaniya çempionatının 8-ci turunda "Sevilya" "Barselona"nı darmadağın edib.

Adalet.az xəbər verir ki, qarşılaşma Sevilyadakı "Ramon Sançez Pishuan" stadionunda baş tutub və 4:1 hesabı ilə başa çatıb.

Belə ki, 13-cü dəqiqədə Aleksis Sançes "Barselona"nın qapısına təyin olunmuş penaltini dəqiq yerinə yetirib. 37-ci dəqiqədə İsaak Romero meydan sahiblərinin fərqini ikiyə çatdırıb. Əsas vaxtda Markus Reşford hesabı azaldıb. İkinci hissənin 74-cü dəqiqəsində Robert Levandovski penaltini qola çevirə bilməyib.

Matçın son dəqiqələrində Xose Anxel Karmona (90-cı dəqiqə) və Akor Adams (90-cı dəqiqə + 6-cı dəqiqə) daha iki qol vuraraq hesabı yekunlaşdırıblar.

Hakim hər iki komandanın oyunçularına bir neçə sarı vərəqə göstərib. "Barselona" 62% topa sahib olsa da, üstünlüyündən istifadə edə bilməyib. Bu qələbə ilə "Sevilya" La Liqa cədvəlində altıncı pilləyə yüksəlib, "Barselona" isə liderlərdən 4 xal geri qalaraq dördüncü pillədə qalıb.