Türkiyənin "Beşiktaş" komandasının yeni baş məşqçisi bəlli olub.

Adalet.az xəbər verir ki, İstanbul klubu Sərgən Yalçınla anlaşıb. Onunla 2 illik müqavilə imzalanıb.

Təcrübəli mütəxəssis bu vəzifədə istefaya göndərilən Ule-Qunnar Sulşeri əvəzləyib.

Qeyd edək ki, Sərgən Yalçın daha əvvəl 2020-2021-ci illər mövsümündə "Beşiktaş"ın baş məşqçisi olub, komandaya Türkiyə çempionluğunu və ölkə kubokunu qazandırıb.