Rüfət Quliyev növbədənkənar parlament seçkilərində iştirak etməyəcək

VI çağırış Milli Məclisin bitərəf deputatı Rüfət Quliyev sentyabrın 1-nə təyin edilmiş Milli Məclisə növbədənkənar seçkilərdə iştirak etməyəcək.
Rüfət Quliyev bu barədə “Report”a açıqlamasında deyib.
O, bundan sonra elmi fəaliyyətlə məşğul olmaq istəyini söyləyib:
“Hazırda Azərbaycan Texniki Universitetində müəllim kimi fəaliyyət göstərirəm. Bundan əlavə, iki universitetdən də iş təklifi almışam. Professoram, uzun müddətdir müəllim kimi çalışmışam və bu yöndə fəaliyyətimi davam etdirmək istəyirəm”.
R.Quliyev biznes sahəsində də müəyyən təkliflər aldığını vurğulayıb:
“Mənim uzunmüddətli sahibkarlıq təcrübəm var. Ona görə də bu sahədə təcrübəmə əsaslanaraq şirkətlərə məsləhət vermək istəyirdim. Hazırda iki nəhəng şirkətdən bununla bağlı təklif gəlib. Həmin təkliflər üzərində düşünürəm”.
“Eyni zamanda, CBC kanalında yayımlanan “Sahibkar saatı” və “Dünya iqtisadiyyatı və Azərbaycan” verilişlərinin də müəllifiyəm. Gördüyünüz kimi, işlərim yetərincə çoxdur. Bu səbəbdən, seçkidə iştirak etməməyə qərar verdim”, - o vurğulayıb.
Qeyd edək ki, Rüfət Quliyev III, IV, V və VI çağırış Milli Məclisin deputatı olub. O, 2013-cü ildən Azərbaycan Texniki Universitetinin İqtisadi nəzəriyyə və xidmət sahələrinin iqtisadiyyatı kafedrasının ictimai əsaslarla müdiridir.
Digər Xəbərlər

Mehriban Əliyeva Çin səfəri ilə bağlı paylaşım etdi - FOTOLAR

Prezidenti və xanımını belə qarşıladılar - VİDEO

İlham Əliyev Çində görüşlər keçirdi - FOTOLAR + YENİLƏNİB

Azərbaycan-Malayziya əməkdaşlığının genişlənməsi məmnunluq doğurur - Prezident

Azərbaycan–Qırğızıstan əlaqələri strateji tərəfdaşlıq səviyyəsindədir - İlham Əliyev

Çin və Azərbaycan hər zaman bir-birini dəstəkləyib - Hikmət Hacıyev

Si Cinpin: Çin Azərbaycanın suveren inkişaf modelini dəstəkləyir
