Xəbər verdiyimiz kimi illərdir televiziyalarımızdakı ailə-məişət mövzusundan bəhs edən verilişlərin cəmiyyətimizə mənfi təsirindən danışırıq, yazırıq, amma tədbir görən yoxdur. Dəfələrlə bizimlə söhbəti zamanı televizorda ancaq heyvanlar aləminə və bir də futbola baxdığını deyən Xalq artisti Rasim Balayevlə bu gün yenə əlaqə saxladıq. 

Rasim Balayev Adalet.az-a açıqlamasında hələ də adlarını qeyd etdiyimiz verilişlərə baxdığını və kanalı dəyişmək fikrində olmadığını bildirdi:

“Həmişəki kimi heyvanlar aləminə baxıram, kanalı dəyişməmişəm.  Çünki o heyvanlar daha təbiidir, daha demokratikdir. Bir də futbola baxıram. Məhkəməlik olan məsələləri efirlərdə göstərirlər. Dövlət kanallarından başqa özəl kanalların hər birini bir aparıcıya veriblər və onlar da reytinq xatirinə nə desən edirlər. Efiri küçə adamlarıyla doldurublar. İllərdir bu problemləri deyirik, amma iradımız da elə özümüzə qalır”-deyə aktyor bildirib.

Vasif Əlihüseyn