Yurdumuza girdilər,

İgidləri qırdılar,

Torpaq üstə sərdilər.

Ağla,qərənfil,ağla!

******

Ananın tək balası,

Öldü,ciyər parası.

Qalxdı göyə naləsi.

Ağla,qərənfil,ağla!

******

Bu başsız bədənləri,

Bu vaxtsız köçənləri,

Vətən çün ölənləri,

Ağla,qərənfil,ağla!

******

İllər keçər,yaşayar,

İgid adın daşıyar,

Onları el oxşayar.

Ağla,qərənfil,ağla!

******

Ağlayar,göz ağlayar,

Həmin yol,iz ağlayar,

Yoldakı buz ağlayar.

Ağla,qərənfil,ağla!

******

Şeirin müəllifi:Dünya Qarabağlı-Azərbaycan Texniki Universitetinin Beynəlxalq Biznesin İdarə Edilməsi ixtisasının magistratura tələbəsi.