Xəbər verdiyimiz kimi, bu gün 4 oktyabr Cəbrayıl Şəhəri Günüdür. 

Bu münasibətlə Adalet.az-a danışan yazıçı Elçin Hüseynbəyli doğulduğu şəhərin artıq beş ildir ki, işğaldan azad edildiyinə sevindiyini bildirib:

“Çox xoşdur ki, bu gün Cəbrayıl rayonunun işğaldan azad olunmasının beş ili tamam olur. Eyni zamanda, orda bizim insanlarımız məskunlaşıblar, yaşayıblar. Sənət, qələm adamları, dostlarımızdan da orda var. Ötən illərdə dəfələrlə Cəbrayılda olmuşam, sakinlərlər də söhbət etmişəm, onlar da razıdırlar. İndi kəndlərimiz də tam ardıcıllıqla tikilib başa çatacaq və adamlar da ora qayıdıb yaşayacaqlar”. 

Qeyd edək ki, Elçin Hüseynbəyli Cəbrayılın Mahmudlu kəndində anadan olub. 

Vasif ƏLİHÜSEYN