Qubada marşrut sürücüsü narkotikin təsiri altında saxlanılıb - VİDEO

Quba Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində narkotik vasitələrin təsiri altında mikroavtobus idarə edən şəxs saxlanılıb.
Bu barədə DİN Mətbuat Xidmətinin Quba regional qrupundan məlumat verilib.
Belə ki, Quba rayon sakini Anar İsmiyevin idarə etdiyi marşrut mikroavtobusu Quba rayonu ərazisində nəzarət-yoxlama qaydasında saxlanılıb. Polis əməkdaşları tərəfindən həmin sürücünün narkotik vasitənin təsiri altında olmasına dair əsaslı şübhələr yaranıb. A.İsmiyevin həkim müayinəsindən keçirilməsi təmin edilib və onun narkotik vasitənin təsiri altında olması sübuta yetirilib.
Həmin şəxsin barəsində qanunvericiliyin tələblərinə uyğun tədbir görülüb.
Digər Xəbərlər

İrandan Azərbaycana külli miqdarda narkotik vasitələrin keçirilməsinin qarşısı alındı

Qadın sərnişinlərə əxlaqsız təkliflər edən taksi sürücüləri saxlanılıblar - VİDEO

Bakı sakini döyülüb, 4000 manatı və 2800 manatlıq telefonu əlindən alınıb
