“Artıq sağollaşmaq vaxtı gəlib çatdı. Burada keçirdiyim hər an üçün hər kəsə təşəkkür edirəm”.

Adalet.az xəbər verir ki, bu sözləri “Qarabağ”dan ayrılaraq Macarıstanın "Ferentsvaroş" komandasına transfer olunan Julio Romao Ağdam təmsilçisinin rəsmi saytına açıqlamasında deyib.

Braziliyalı yarımmüdafiəçi “Qarabağ”a hər şeyin ən yaxşısını arzulayıb: “Hər zaman sizi dəstəkləməyə davam edəcəyəm. Çox sağ ol “Qarabağ”, çox sağ ol Azərbaycan!”

Qeyd edək ki, 2022-ci ilin yayından Ağdam təmsilçisində çıxış edən Julio Romao 120 oyunda 2 qol vurub. O, 2022/2023 və 2023/2024-cü illər mövsümlərində Azərbaycan çempionu, 2023/2024-cü illər mövsümündə ölkə kubokunun qalibi olub.