10 Oktyabr 2022 12:06
1048
MƏMLƏKƏT

Qara çörək

Ölkəmizdə qara çörək adı ilə keyfiyyətsiz çörəklər istehsal olunur. Adətən də bu çörəkdən şəkər və ürək-damar xəstələri daha çox istifadə edirlər. Amma aldığımız qara çörəklərin keyfiyyətinə bir o qədər də bel bağlamaq olmur. Məsələn, əvvəllər Sumqayıt Çörək Zavodunun istehsal etdiyi 700 qramlıq qara çörəklər 1m.5 qəpiyə satılırdı, keyfiyyəti də pis deyildi! Amma indi həmin müəssisənin «Çörəkçi» adı ilə satdığı 400 qramlıq qara çörəyin qiyməti 95 qəpikdir. Bu çörəkdən iki gün istifadə elədik, mədəmizin ağrısından dura bilmədik. Qəribədir, zavod 700 qramlıq çörəyi 1m.5 qəpiyə satırdı, indi 400 qramlıq çörəyi 95 qəpiyə  satır, o da çox yaman gündə?!

Qida Təhlükəsizlik Agentliyi Bakı şəhərində və eləcə də Sumqayıtda qara çörəyin istehsalı ilə bağlı reyd keçirsə və bu işdə onlara İqtisadiyyat Nazirliyi kömək göstərsə, onda çox nöqsanlar üzə çıxacaq, məlum olacaq ki, qara çörək adı ilə zavodların buraxdığı çörəklərin çoxuna ya boya vurulur, ya da digər rənglər qatılır. Bundansa sonda istehsalçılar əziyyət çəkirlər; həm pulları gedir, həm də xəstəlik tapırlar!

Emil FAİQOĞLU