"Qalatasaray" futbolçusu Mauro İkardini Superliqada iştirak ərizəsinə daxil etməməyi qərara alıb.

Adalet.az xəbər verir ki, bu barədə "TRT Spor" məlumat yayıb. Bildirilib ki, İstanbul təmsilçisi "Lans"dan Pşemislav Frankovskini heyətinə qatmağa hazırlaşır. 

"Qalatasaray" Superliqada əcnəbi futbolçu limiti ilə əlaqədar problem yaşamamaq üçün İkardini sifariş ərizəsinə daxil etməmək qərarına gəlib. 

Komandadan başqa bir futbolçunun ayrılmağı gözlənilmir. Ona görə də Türkiyə klubu argentinalı hücumçu ilə əlaqədar belə qərar qəbul edib.

Xatırladaq ki, ötən il Avropa Liqasının Liqa mərhələsinin "Tottenhem"lə matçında ağır zədə alan İkardinin yaşıl meydanlara nə vaxt qayıdacağı hələ də məlum deyil.