İslam ölkələrinin təhlükəsizliyi təmin etmək üçün birliyə ehtiyacı var.

Adalet.az xəbər verir ki, bu barədə İran prezidenti Məsud Pezeşkian bildirib.

"İslam xalqı əməkdaşlıq və həmrəylik olmadan müstəqilliyə və ləyaqətli həyata nail ola bilməz. Həqiqətə, ədalətə və qarşılıqlı məsuliyyətə əsaslanan birliyə İslam ölkələrinin hazırda ən çox ehtiyacı var", - deyə o, Tehranda keçirilən 40-cı Beynəlxalq İslam Birliyi Konfransının açılışında çıxışı zamanı deyib. 

O, çıxışında heç bir İslam ölkəsinin digərinə qarşı təcavüz platformasına çevrilməməli olduğunu vurğulayıb: "İran ABŞ və İsrail tərəfindən ona qarşı başlanan müharibədən özünü müdafiə etmək üçün qanuni hüququndan istifadə edib, lakin bu, onun müsəlman qonşularına qarşı düşmənçilik etməsi demək deyil".