Ərəbistan dənizində, Pakistanın Sind əyaləti sahillərində iki qayığın toqquşması nəticəsində 30-dan çox balıqçı itkin düşüb.

Adalet.az-ın məlumatına görə, hadisə zamanı qayıqlarda ümumilikdə 35 nəfər olub.

Onlardan beş nəfəri xilas edilib və xəstəxanaya yerləşdirilib. Pakistan Hərbi-Dəniz Qüvvələri itkin düşənlərin axtarışlarını davam etdirir.

Qeyd olunur ki, qəzaya güclü külək və qayıqların həddən artıq dolması səbəb olub.(trend)