Böyük Britaniya İrana qarşı sanksiyaları sərtləşdirərək metal, enerji, bankçılıq və gəmiçilik sektorlarına məhdudiyyətlər tətbiq edəcək.

Adalet.az xəbər verir ki, bunu Böyük Britaniyanın xarici işlər naziri Stiven Douti RİA Novosti-yə açıqlamasında bildirib.

Onun sözlərinə görə, yeni ticarət qadağaları İranın nüvə proqramına töhfə verən əsas sənaye sahələri üçün vacib mallar, texnologiyalar və xidmətlərə şamil olunacaq.

Məhdudiyyətlər İranın enerji, metallurgiya, gəmiçilik və bank sektorlarını əhatə edəcək. London, həmçinin Tehranın hərbi potensialının inkişafına töhfə verən mal və texnologiyaların ixracını qadağan edəcək.

Qeyd edək ki, ABŞ Maliyyə naziri Skott Bessent də Vaşinqtonun İranın müttəfiqlərinə qarşı sanksiyaları sistemli şəkildə genişləndirmək niyyətində olduğunu açıqlayıb.