İtaliyanın “Milan” klubu İngiltərənin “Vest Hem” komandasında çıxış edən almaniyalı futbolçu Niklas Füllkruqla maraqlanır.

Adalet.az “Sky Sport”a istinadən xəbər verir ki, A Seriyası təmsilçisi 32 yaşlı hücumçunun satınalma hüququ ilə icarəyə götürülməsi üçün londonlulara rəsmi təklif göndərib.

“Vest Hem” rəhbərliyinin təklifi dəyərləndirdiyi, oyunçunu ya birdəfəlik satmağı, ya da məcburi satınalma şərti ilə icarəyə verməyi düşündüyü bildirilib.

Sonuncu dəfə aprel ayında qol vuran Niklas Füllkruq bu mövsüm “Vest Hem”in heyətində keçirdiyi 9 oyunda heç nə ilə yadda qalmayıb.

Xatırladaq ki, Niklas Füllkruqun Premyer Liqa klubu ilə 2028-ci ilin yayına kimi müqaviləsi var.