Ötən gün  Azərbaycan sərhədçiləri qəflətən halı pisləşən uşağa ilkin tibbi yardım göstərib, ona su və şirniyyat veriblər. Elə ordaca uşağın valideynləri, yaradılan şəraitə və köməkliyə görə təşəkkürlərini bildiriblər. 

Onlar həm də  Arayik və Vardanyanın baş verənlərdə günahkar olduğunu  bildiriblər:

Erməniəsilli ailə üç gündür yolda olduqlarını söyləyib: “Sağ olsunlar ki, azərbaycanlılar bizə yardım etdilər, su verdilər. Araik Arutyunyan kimilər və onun ətrafı güllələnməlidir. Lənətə gəlsin bu rejimi. Bizi məcbur evimizdən çıxardılar. Niyə də geri qayıtmaq olmasın, əlbəttə, istəyərdik. Biz sizdən eşidirik ki, geri qayıtmaq olar. Azərbaycan tərəfinin heç bir təzyiqini görmədik. Azərbaycanlılar qardaşdır. Türklər mərddirlər”.

Bunları söyləyən 44 günlük müharibənin iştirakçısı  Mher Zarqaryandır. Mher Ermənistana çatan kimi erməni mediası onunla  əlaqə saxlayıb, o, da milli xarakterinə uyğun olaraq " ətraflı məlumat" verib. Yəni şər- böhtanla dolu bir açıqlama! Erməni mediası yazır:İnternetdə video yayılıb , orada Artsaxdan olan bir adam Azərbaycan mediasına deyib ki, erməni milləti satqın millətdir və bu millət yox olmalıdır.

Mher bizə tələbin nə olduğunu və hansı mətni deməli olduğunu təqdim etdi. İki variant var idi, ya jurnalistləri çağırıb bu videonu çəkməli, ya da uşağımı qabağımda öldürəcəklərini deyirdilər:“Mənə dedilər ki, Azərbaycanda Arayik Arutyunyanı satqın adlandırmaq, generalların adını çəkib onların satqın olduğunu söyləmək daha yaxşıdır, məcburən yalan danışmışam. Məni 3-4 dəfə eyni şeyi təkrar etməyə məcbur etdilər, bir-birinin ardınca bu qədər deməsəm, ikinci dəfə xəbərdarlıq edilməyəcək, dedilər. Dedim ki, siz nə desəniz, edəcəm, uşağı sərhəddən keçmək üçün rahat buraxın” 

O, həyat yoldaşı ilə ayrı-ayrılıqda aparılıb eyni şeyi etməyə məcbur edildiyini, onlarla ermənicə danışdıqlarını qeyd edib.

“Onlar ermənicə məndən yaxşı danışırdılar. Köhnə videomu yandırdılar və dedilər ki, Bakıda oturub səbirsizliklə məni gözləyirlər, 44 günlük müharibə günü qurban verəcəklər”.

Mher Zərqaryanın sözlərinə görə, o, azərbaycanlıların Həkəri körpüsündən daha bir nəfəri necə qaçırdığını görüb.

 44 günlük müharibə vaxtı Mher erməniləri mübaroizəyə səsləyən videosu da yayılmışdı. 

Ermənilərin iç üzü budur... Şər, böhtan, yalan...Xeyirxah insanları ləkələmək!

 Əntiqə Rəşid